سهم نابت بلب حشاي ماضي وعلى كتلي بهواه المحب ماضي عشرتي وياك صارت فعل ماضي وصفت لليوم حاضر بالاذية
يلوم المادره بروحي شمرها مايدري الدهر عن ودهم شمرها ليالي افراكَهم والله شمرها أمر من المنازع بالمنيه
وحگ رمضان وصيامه ولمساك ابد ما ملن صباحك ولمساك يسويهة البخت خايب ولمساك احس
يدهري شبيك بالله من صفاتي صافي وجذب تلكه من صفاتي الوفه والخير والحب من صفاتي وصفات الكرم كلهن ذني بيـه
تغيب الروح بغيابك ورده كتاب جفاك من عندي ورده روحي بفرگـتك يذبل ورده ماي انته وترد الروح بيه
حبك بالكَلب حافر وناقش وصرت نيران تحركَني وانا قش اريد اكَعد وياك احچي واناقش واكَلك لشوكت تقسي عليه
بهجرك راح عگـلي مالفاني وجثير اشعار لجلك مالفاني رحت آركض بهيمه مالفاني ادور اعليك يل رحت من اديه
وراسل اريدافتح اميلي وراسل وابعث لكل بعيد عني مراسل اذا ورا كل قصه محبه مرض سل احبك واليصير ايصير بيه
شعجب دفترعشگـنه ماتگـلبه وليش أنته اليگـلبك ماتگـلبه ترى گـلبي بغيابك مات گـلبه گـلب گلبي توفه وعم عليه
حديقة بعلم رب الكون ظليت وعن درب العلم ياناس ظليت شجرة وبس على العاوين ظليت صرت سايق مخدة وجودلية
الما قاتل ويانه العدو والله مو منه لو انجرح مية جرح للوطن مو منه ولا تقيس انت الرجل بنجماته وبمنصبا
يعين خلافه دم تبجين يوماي. وماينفع وره المجفين يوماي. ياسامه خلاف عينك كرب يوماي. أبيع الروح بس تعود اليه
مرضه بحبك وحبك...(شفانه ) وتسامرنه ولاواحد...(شفانه ) تذكر يوم من طبكن..(شفانه) احس ارض وسمه انطبكن سويه
الف دنياي كلهه ماتلفني عنيد وغير شخصك ماتلفني عمت عين المنايا ماتلفني اهل دنيا ومره تلعب عليــه
سجاجين الوكت بحشاي بردان حزني وصرت بالصيف بردان صرت مجبور اشد اردان بردان ولا امد للشماته اجفوف ايديه
صح انت كلش زين بس بيك ميزه@ جنك جدر فافون مزروف طيزه
شهر سيف الهجر ضدي وسله نساني اوراح وي غيري وسله عنب ماحصلت مـــــــنه وسله طلع ذيب أوكتلني اربـات إديه
طلع باليل لا بسلي رمادي الكحل لايكله بعينه رمادي سالته منين كالي من الرمادي دليمي والمصايب لفت عليه
بعدكم تارك بگلبي ورم شاك علاجي بنظرة عيونك ورمشك احبنك وحب امشي ورمشاك وصلتك بعد خل نمشي سويه
دوم انشد عليك الراح والرد الوفة منك نبع ولطيب ورد ردت منك جواب لهاي والرد اعز الناس مايسأل عليه
شتطلب گالي أمرني متر تين للطوله عنب متره ومتر تين من حسنه ردت صدگ متر تين متر للناس كلهه ومتره اليه
قلبي انت ملكته وانت حر بيه عليل وطبي عندك وانت حر بيه كاس السم اشربه وانتحر بيه اذا غيرك يمس اطراف ادية
هلي وياهم چنت عايش بلاهم ونهاري شماضوى مظلم بلاهم هلي مدري الوكت شنهو بلاهم ولاهم اعرفوا بالصار بيه
يـحلو الاطبـاع واصلني وقارب ماعندي اهل غيرك وقـارب سفينه بالبـحر ردتك وقـارب تشيل الحمل من يثگل عليـــه
باع الفرح گلبي وشتراهم من سوك الحزن أحزانة أشتراهم ماينفع دوة العلتي أشترهم دواي دموع أهل صبح أومسية
العقل تكين تك انشل وجنتك بسبب مالمست اشفافي وجنتك جنات الخلك كلهة وجنتك ماتغفر ذنب هجرك الية
الوفى يبقى طبعنا مانرائي وهمومي شأرى منك مانرائي نخيط العين والله وما نرى اي بشر غيرك وحك رب البرية
تروح الروح بغيابك واردهه وكتاب اجفاك يمدلل وردهه روحي بغيابك تره يذيل وردهه ماي انت وترد الروح بيه
مو معدن ذهب معدنك صفرين وهذني رسوم وجهي عليك صفرين انت واحد وانه مو صفر صفرين عد يمناك
عجيبة اشلون ماسموك وردة ويحالي حال المجنون وردة بحديقتنة اتمنى تصير وردة اشتمك كل صبح وكل مسية
طالب والدهر ذبني وحبيت وحظي الردي ورطني وحبيت مو مثل الخلك عاشك وحبيت انه حبي عكس كل البريه
الصديق اللي نشوفه نقي ونظيف نود كل يوم نبدي اعليه ونضيف على طيبه نجمل طيب ونضيف بكثر معنى الحـروف الابجديه
ياحيف يا احباب تنسون عشره عمر .. بعد ما البنيان اكمل اساسه وعمر.. وحگ الله ومحمد وعلي وعمر ... ما
انساكم لو حتى انتو تنسونه
انت ...... عنب....... حبك .............عجب ............. كلك ............. ادب .......... وزنك ........... ذهب........انت ............. دائي ............ انت ............ دوائي ..........انت ............ حبي....... جواب ....... نهائي
Ï
ارسل سلام الروح واجمل تحيه *** واسال على الطيبين صبح ومسيه ظلمه ونجوم هواي والگمر غايب *** ابعث سلامي بليل لاغلى الحبايب
كلمن يگول انساك گله انته مجنون *** شلون الدرب ينشاف من دون العيون
كتبت الشعر لعيونك .... بكيت وصرت مجنونك .. احس العين من دونك .. حزينة تنتظر شوفت عيونك
وأشاعة ---- صهيب ترة الواشي عرف سرنة واشاعة ----- وابد لا تظن چذب حبي واشاعة ---- انا لگلبي اخذت صورة واشاعة ---- طلع مكتوب احبك للمنية
بدالة ----أحبه وما أحب واحد بدالة --- وياذنب البدة مني بدالة --- الك منصوب بكلبي بدالة ---- خط أعلى النبض يشتغل بيه
صفة ----الگلب يا صهيب نيته وياك صفه ---- صبح تلميذ وانته اصبحت صفه ---- نويت اوياك اكضي العمر صفه --- لان كسر الظهر فركاك اليه
وقبلة ---- غرامك صار الي معبد وقبلة ----- وأرضه بكل نقد منكم واقبلة --- وأبوس الصخر وأشتمة وأقبلة --- لان قاسي مثل كلبك عليه
ولك مال --- سلطه ألك يمي ولك مال ---- وگلبي ما عشك غيرك ولك مال ---- الله يساعد الراسب والاكمال -- والناجح الف رحمة على ابية
عرفت الحب من نضرة عيونچ وعرفت القرب من لمسة ايديچ
وردت كلمه اصبر بيهه الگلب ما لگيت غير كلمة احن ليك
دورة ----- حبك دخل بالدلال دورة ----- عزيز والك بالشريان دورة ------ واذا تشك هاك الكلب دورة ---- وأذا غيرك لكيت أعتب علية
شبكتك ----- انت صياد وصادتني شبكتك ----- دخيل الله اشكد حلوة شبكتك ----- ادك عليك مشغولة شبكتك ----- أضن مغلق جهازك بس علية
وردلك ----- راح اهدي قطع كلبي ورد لك ----- لان كل قطعة بيهة انت وأرد لك ------ يجي مكتوب من عندك وردلك ----- بجيت وطاحت عيوني بدية
ماتكلبة ----- شعجب دفتر عشكنة ماتكلبة ----- وليش انت اليكلبك ماتكلبة ----- بغايبك كلبي مات كلبة ----- كلب كلبي توفة وعم علية
ورقة منك ---- قلم كلبي تداين ورقه منك ---- لان ماكو بجمالك ورقه منك --- اسجلك انته باول ورقه منك ---- وكتب لافته محجوز اليه
ياصاحبي طال هجرك مر علينه وحتى الزاد من بعدك مر علينه اذا بعدك تحبنه مر علينه تعال وكروة التكسي عليه
وانت حربي --- الك بايع دليلي وانت حر بي --- أموت انة بجمالك وأنتحربي --- أفجر كلمن أيحبك وأنتحر بي --- لأن مخصوص حبك بس الية
وصفة --- أحبك حب الما ينوصف وصفة ---- وعشرتي وياك مثل الذهب وأصفة --- عليمن يكتب الدكتور وصفة --- خدودك والشفايف صيدلية
ونت --- يضل برغي الكلب مفتوح والنت ---- عليك الروح نص الليل ونت --- ادور عليك بالقاعات والنت ---- وينك ياحلو أسئل علية
طحنة ---- هاك الكلب وبيدك حيل طحنة --- أمس فوك النخل واليوم طحنة ---- شجانة ياخلك بالعشك طحنة ---غشيمة كلوبنة تحب الأذية
وسامي --- هلالك بالسمة عالي وسامي ---- يضل حبك على صدري وسامي ---- وجوه أشكثر شفنة وسامي ---- اسمك بالكلب وللموت بية
حبيبي اجروح الك بالكلب حالا..... وامس جنت احسن من اليوم حالا........ اريدك تنتخي وتجي حالا ....... باجر وين ماتلحك عليه
لمحة زعل من عيونك تموتني بلا عله وبسمة رضا من شفاتك تعيشني العمر كله • حبيت أعلمك إنك: أجمل حلم لقيته وأغلى حب في قلبي حطيته
أجمل غلطة يرتكبها الإنسان .. عندما يسمح لجنس الحريم بدخول قلبه
جلدلك ---- صرت أنة كل أحشاك وجلدلك ---- كلبي حمامة بيت ترجعلك جلدلك ---- بالكلب الك جم تعذيب و جلدلك ---- تجلد بالكلب وأكولن هاي هية
ثكلك يلسمر بس علينه نار اتصير بيك لو يمك اجينه لو يمك اجينه ويانا تغير كل الاطباع وياه الناس تحجي اشكال وانواع
هاك كلبي أفتحة وبرمش عينك أجرحة وان شفت غيرك ساكنة أرجوك بيدك أذبحة
شدة ---- زماني شد علية شلون شدة --- جنك ياترف بالورد شدة --- أنكطع كلبي كتلة أرجوك شدة --- شديتة بسناسل وأنكطع بية
شرطة ----- زماني شرط علية شلون شرطة ----- عاف شروطي كلهن راد شرطة ----- غشيم ألي يحترم هاليوم شرطة ----- حمات الوطن كلهم سرسرية
كافي يادنيانة اتشيل الهم ويانة ياحظي ونصيبي ويا وعدي المكتوب ويا عمري الضيعتة ويا قلبي المتعوب
روحي امدهه فراش وايدي مخده والكلب للغالين سبلت اشده
علموك القساوة ونتا طبعك حنون كيف تجرح قلبي ونتا في وصط العيون
صحبتنة صحبت عمر خوتنة حد الموت يمكن اعوفك نعم؟ بس واني بالتابوت
معزتكم بوسط قلبي بدم القلب اغذيها فلا الساعات تنسيني ولا الايام تمحيها
شنو فلمك!!...احب اسمك واحب الله اللي رسم رسمك واحب امك والخاطر عيونك احب عمــك ولو اموت دواي تراب جدك وترد روحي وبعد مااموت لو اسمع حســـك..حايره بيك يالغالي واريـــد افهم شنو فلـــمك؟؟؟....يا اصعب درس بالكون واني راسبه بيــك وماافهــــــمك شنو فلمك؟؟؟....تريـــد انداس كدامـــك؟؟؟تريد براسي تحقق احلامك؟؟؟تريدني طيف واسعد احلامك؟؟؟تريدني شمعه واضوي ايــــامك؟؟؟...شنو فـــلمك ياســــاقي العسل للناس ومغركـــــــــني بسمـــــــك؟؟؟
تصح ومضة شعر تفرش دواوين ويصح ديوان ما يفرش حصيرة وتصح كومة زلم ماتسوة فلسين ويصح مثلك حبيب يسوة العشيرة
انت الصرت كل وكتي حديثي .. وحبك بالگلب ما بطل حديثي... يالتسوه الرمادي وبصره وحديثي... وبيجي وصلاح الدين والخالديه
روحي بسرير الموت وتكول اريدك ما ترظى بالدكتور بس لمسة ايدك
صدك مريضه الروح وشفاها يمك... وصدك بسرع اطيب من تسمع اسمك
بعمري اشتري الطيبين واطلب رضاهم واتمنى روحي تصيرنجمه بسماهم
وحك الله وكتاب الله ورسله# قلبي من الوفه اصله ورسله # لون بيدي لكص كلبي ورسله # لحبيب الكاطع بوصله عليه
عندي غيرك اهل ما عندي غيرك ناس انته حبيب العمر وتاج فوك راس تحياتي
صح العراق انجرح... بس هذا مو مقياس... النخل من ينجرح... مايشتكي من الفاس... مادام اسمنه علم... يعني احنه تاج الراس... ينقاس بينه الذهب... مو بالذهب ننقاس... علمني جرح الوطن ... اضرب مثل للناس... الخوه مو بالعدد.... الخوه رفعة راس
انته تدري بغلاك لو عيوني ماتراك داخل قلبي ساكن والفكر دايم معاك
حبك... ياعميقة العينين تطرفً تصوفً عباده حبك مثل الموت والولاده صعبً بأن يعاد مرتيين
اتمنى روحي اصير نجمه وترابيك............. وبهيدا تالي الليل أنزل وأشم بيك
بكثر هموم الوطن سلام من جاك
وانته العزيز الوفي ما عاش من ينساك
هاك اخذ هاي الروح وازرعه سكته ***ولو خضرت فد يوم اتخضر انته
نص روحي اخذه وياك وخليلي بس نص*** حته من اغص بالزاد من يمك اتغص
لاسامح الله اشلون لو صار الوداع***غير انة اشيل الكاع والطمهة بالكاع
حية واجت بسكوت تلدغني رادتٍٍ ومن كثر ما مهموم لدغتني ماتت
__________________
__________________
اذا عشقت السماء فهي سراب اذا عشقت الارض فهي تراب اذا عشقت الحـــــــــــب فهو عذاااااااااااااااب
الخميس يوليو 21, 2011 2:00 am من طرف 
